JW澳門遊記

發表帖子
来源:轉載

兩公婆一早請左兩日假唸住星期二同三幫個女搞小一入學申請,點知用左一個鐘搞掂晒……假又請左搵d搞作,去個短程trip-澳門,問個fd話識人係碼頭訂套票有優惠,即刻打去問$1680包萬豪同雙人來回船飛,電話個職員話唔洗訂過黎俾錢就得,商量左15分鐘決定起程


去到間舖叫明X旅行,即刻科水起行點知個職員話要$1950,靜左一下,算……差$300左右豪一次,準備俾錢時佢問左一句:買唔買埋船飛……即刻血壓都標升埋,佢話$1950只係房錢,包船飛$2550,轉身即走,商量過珠海過夜算,後來老婆話有個朋友係澳門做預訂酒店佢即微信問,等回覆期間行左去其他舖問都要過2.5k,準備失望時微信回覆左$1250,再問多次係萬豪唔係富豪喎……叫我地到左銀河用wifi微信佢帶我地去check in


即刻去買飛上路去程$320豪華位回程$300普通位,1:00順利到達銀河,搵埋個fd帶左上去銀河酒店hea住先,因為要3:00先可以check in萬豪,放低包袱去賭場行個圈,成功贏左$1650,一個好開始


差唔多夠鐘check in上萬豪,到左房間hea下影下相,問埋個fd樓下天浪去唔去得,當然冇問題一房卡2大2細,可惜老婆唔俾去因為遠房親戚到,即科水$1300唔洗找,休息左一陣再去賭場碰運氣,再汁1k,去香辣居食飯4人埋單7個菜$600有找,唔算貴


飯後再碰運氣又贏1k夠團費收手搵埋個fd去飲杯野,點知佢地贏開巷3k上到80k…最终回返d贏左5雞帶左我地一行4人去左唔知乜乜大道飲野睇人唱歌跳舞,到12:00返酒店休息,一覺到天光望出窗口已經有人係天浪玩緊,如果個囡係到就好喇……下次一定要帶個囡黎玩,下午5:00船回程港…


我話俾大家知我做租務處幾咁難做, 姓薛兩父子做濕9經理做到咁PK, 平時最多9UP廢話, 講到自己以為係宇宙無敵, 查實只係識齋TALK乜都唔識做, 下屬搵到客總係搶住領功, 無客就鬧到下屬狗血淋頭, 老闆面前認屎認屁, 轉過背就卸責俾下屬, 呢間公司有呢種上司, 多做多錯唔做唔錯, 我話過我以後都唔咁認真, 一日過一日返工HEA住做, 所以得閑我就去澳門玩真係好過.